Umair Najmi Poetry

Ghair Hazir

Ghair Hazir

Haazri lagnay wali hai

Khamosh hon or tawajja karain

'Aik?'

'Ji Sir!'

Udhar daayen deewar ki khirkion se paray ped hain

Kuch haray ped hain

Jin k pattay lagatar jhartay chalay ja rahay hain

Parinday bhi hain pedo par

Un k par..

'Paanch?'

'Hazir janab!'

Un k par..

Surmai rang se milta julta koi rang hai

'Saat?'

'Ji!'

Ghonsla aik hai..

Yani saray parinday idhar k nahin, kuch chalay jayenge

Or ye teesray ped par kya likha hai?

naya hai

nikal kar padhunga main

'Dus?'

'Ji main hoon'

Bilkul aisay kisi ne kaha tha mujhay dus baras qabl

Tairah May, do hazaar aath, Mangal tha or sham char ya sawa char

Meray ghar ki chat

Main ne deewar ki is taraf se kaha tha, 'koi hai?'

Tabhi bilkul aisay kisi ne kaha tha k 'Ji haan, main hoon'

'Pandrah?'

'Yes Sir! Present'

Ji haan.. Present..
Haa Ab wo awaz janay kahan ja chuki

Dus baras ho gaye, puchtay puchtay, 'Koi hai? Koi hai?'

Or agay se bas khamoshi

'Ji main hoon' wali awaz to ja chuki hai

'Athara?'

Kahan hogi ab?

'Roll number Athara?'

Aray ye to main..

'Sorry Sir!'

'Tum kahan khoye rehtay ho? Pagal ho kya?'

'Sir wo awaz to ja chuki'

'Kya kaha?'

'Ja chuki'

'Chup'

'Nahin Sir, sunain

Jab se wo ja chuki

Main jahan bhi hoon, ho kar bhi hota nahin

Jaisay ab bhi yahan to nahin hoon, bazahir hoon Sir

Aap samjhay?'

'nahin'

'Or kuch bhi btanay se qasir hoon Sir

Aap likh dijye

Ghair hazir hoon Sir!

Poet - Umair Najmi
Location: Rahim Yar Khan, Punjab, Pakistan
Views: 111

Pay and Support Us

UPI: attidev@ybl

15th August yahi jagah thi yahi din tha aur yahi lamhat..

by javed akhtar

यही जगह थी यही दिन था और यही लम्हात

सरों पे छाई थी सदियों से इक जो काली रात

इसी जगह इसी दिन तो मिली थी उस को मात

इसी जगह इसी दिन तो हुआ था ये एलान

अँधेरे हार गए ज़िंदाबाद हिन्दोस्तान

यहीं तो हम ने कहा था ये कर दिखाना है

जो ज़ख़्म तन पे है भारत के उस को भरना है

जो दाग़ माथे पे भारत के है मिटाना है

यहीं तो खाई थी हम सब ने ये क़सम उस दिन

यहीं से निकले थे अपने सफ़र पे हम उस दिन

यहीं था गूँज उठा वन्दे-मातरम उस दिन

है जुरअतों का सफ़र वक़्त की है राहगुज़र

नज़र के सामने है साठ मील का पत्थर

कोई जो पूछे किया क्या है कुछ किया है अगर

तो उस से कह दो कि वो आए देख ले आ कर

लगाया हम ने था जम्हूरियत का जो पौधा

वो आज एक घनेरा सा ऊँचा बरगद है

और उस के साए में क्या बदला कितना बदला है

कब इंतिहा है कोई इस की कब कोई हद है

चमक दिखाते हैं ज़र्रे अब आसमानों को

ज़बान मिल गई है सारे बे-ज़बानों को

जो ज़ुल्म सहते थे वो अब हिसाब माँगते हैं

सवाल करते हैं और फिर जवाब माँगते हैं

ये कल की बात है सदियों पुरानी बात नहीं

कि कल तलक था यहाँ कुछ भी अपने हाथ नहीं

विदेशी राज ने सब कुछ निचोड़ डाला था

हमारे देश का हर कर्धा तोड़ डाला था

जो मुल्क सूई की ख़ातिर था औरों का मुहताज

हज़ारों चीज़ें वो दुनिया को दे रहा है आज

नया ज़माना लिए इक उमंग आया है

करोड़ों लोगों के चेहरे पे रंग आया है

ये सब किसी के करम से न है इनायत से

यहाँ तक आया है भारत ख़ुद अपनी मेहनत से

जो कामयाबी है उस की ख़ुशी तो पूरी है

मगर ये याद भी रखना बहुत ज़रूरी है

कि दास्तान हमारी अभी अधूरी है

बहुत हुआ है मगर फिर भी ये कमी तो है

बहुत से होंठों पे मुस्कान आ गई लेकिन

बहुत सी आँखें है जिन में अभी नमी तो है

यही जगह थी यही दिन था और यही लम्हात

यहीं तो देखा था इक ख़्वाब सोची थी इक बात

मुसाफ़िरों के दिलों में ख़याल आता है

हर इक ज़मीर के आगे सवाल आता है

वो बात याद है अब तक हमें कि भूल गए

वो ख़्वाब अब भी सलामत है या फ़ुज़ूल गए

चले थे दिल में लिए जो इरादे पूरे हुए

ये कौन है कि जो यादों में चरख़ा कातता है

ये कौन है जो हमें आज भी बताता है

है वादा ख़ुद से निभाना हमें अगर अपना

तो कारवाँ नहीं रुक पाए भूल कर अपना

है थोड़ी दूर अभी सपनों का नगर अपना

मुसाफ़िरो अभी बाक़ी है कुछ सफ़र अपना

--------------------------------------------------------------------------------

yahi jagah thi yahi din tha aur yahi lamhat

saron pe chha.i thi sadiyon se ik jo kaali raat

isi jagah isi din to mili thi us ko maat

isi jagah isi din to hua tha ye elaan

andhere haar ga.e zindabad hindostan

yahin to ham ne kaha tha ye kar dikhana hai

jo zakhm tan pe hai bharat ke us ko bharna hai

jo daagh mathe pe bharat ke hai miTana hai

yahin to khaa.i thi ham sab ne ye qasam us din

yahin se nikle the apne safar pe ham us din

yahin tha guunj uTha vande-matram us din

hai jur.aton ka safar vaqt ki hai rahguzar

nazar ke samne hai saaTh miil ka patthar

koi jo puchhe kiya kya hai kuchh kiya hai agar

to us se kah do ki vo aa.e dekh le aa kar

lagaya ham ne tha jamhuriyat ka jo paudha

vo aaj ek ghanera sa uncha bargad hai

aur us ke saa.e men kya badla kitna badla hai

kab intiha hai koi is ki kab koi had hai

chamak dikhate hain zarre ab asmanon ko

zaban mil ga.i hai saare be-zabanon ko

jo zulm sahte the vo ab hisab mangte hain

saval karte hain aur phir javab mangte hain

ye kal ki baat hai sadiyon purani baat nahin

ki kal talak tha yahan kuchh bhi apne haath nahin

videshi raaj ne sab kuchh nichoD Daala tha

hamare desh ka har kargha toD Daala tha

jo mulk suui ki khatir tha auron ka muhtaj

hazaron chizen vo duniya ko de raha hai aaj

naya zamana liye ik umang aaya hai

karoDon logon ke chehre pe rang aaya hai

ye sab kisi ke karam se na hai inayat se

yahan tak aaya hai bharat khud apni mehnat se

jo kamyabi hai us ki khushi to puuri hai

magar ye yaad bhi rakhna bahut zaruri hai

ki dastan hamari abhi adhuri hai

bahut hua hai magar phir bhi ye kami to hai

bahut se honThon pe muskan aa ga.i lekin

bahut si ankhen hai jin men abhi nami to hai

yahi jagah thi yahi din tha aur yahi lamhat

yahin to dekha tha ik khvab sochi thi ik baat

musafiron ke dilon men khayal aata hai

har ik zamir ke aage saval aata hai

vo baat yaad hai ab tak hamen ki bhuul ga.e

vo khvab ab bhi salamat hai ya fuzul ga.e

chale the dil men liye jo irade puure hue

ye kaun hai ki jo yadon men charkha kat.ta hai

ye kaun hai jo hamen aaj bhi batata hai

hai va.ada khud se nibhana hamen agar apna

to karvan nahin ruk paa.e bhuul kar apna

hai thoDi duur abhi sapnon ka nagar apna

musafiro abhi baaqi hai kuchh safar apna

1th August independence day javed akhtar bollywood poet padma shri gwalior

Jab wo iss duniya ke shor aur khamoshi se..

by tehzeeb hafi

जब वो इस दुनिया के शोर और ख़मोशी से क़त'अ-तअल्लुक़ होकर इंग्लिश में गुस्सा करती है,

मैं तो डर जाता हूँ लेकिन कमरे की दीवारें हँसने लगती हैं

वो इक ऐसी आग है जिसे सिर्फ़ दहकने से मतलब है,

वो इक ऐसा फूल है जिसपर अपनी ख़ुशबू बोझ बनी है,

वो इक ऐसा ख़्वाब है जिसको देखने वाला ख़ुद मुश्किल में पड़ सकता है,

उसको छूने की ख़्वाइश तो ठीक है लेकिन

पानी कौन पकड़ सकता है

वो रंगों से वाकिफ़ है बल्कि हर इक रंग के शजरे तक से वाकिफ़ है,

उसको इल्म है किन ख़्वाबों से आंखें नीली पढ़ सकती हैं,

हमने जिनको नफ़रत से मंसूब किया

वो उन पीले फूलों की इज़्ज़त करती है

कभी-कभी वो अपने हाथ मे पेंसिल लेकर

ऐसी सतरें खींचती है

सब कुछ सीधा हो जाता है

वो चाहे तो हर इक चीज़ को उसके अस्ल में ला सकती है,

सिर्फ़ उसीके हाथों से सारी दुनिया तरतीब में आ सकती है,

हर पत्थर उस पाँव से टकराने की ख़्वाइश में जिंदा है लेकिन ये तो इसी अधूरेपन का जहाँ है,

हर पिंजरे में ऐसे क़ैदी कब होते हैं

हर कपड़े की किस्मत में वो जिस्म कहाँ है

मेरी बे-मक़सद बातों से तंग भी आ जाती है तो महसूस नहीं होने देती

लेकिन अपने होने से उकता जाती है,

उसको वक़्त की पाबंदी से क्या मतलब है

वो तो बंद घड़ी भी हाथ मे बांध के कॉलेज आ जाती है

paani kaun pakad sakta hai tehzeeb hafi urdu poetry andaaz e bayan

ai mere sare logo ab mire dusre baazu pe vo shamshir hai jo..

by ahmed faraz

अब मिरे दूसरे बाज़ू पे वो शमशीर है जो

इस से पहले भी मिरा निस्फ़ बदन काट चुकी

उसी बंदूक़ की नाली है मिरी सम्त कि जो

इस से पहले मिरी शह-रग का लहू चाट चुकी

फिर वही आग दर आई है मिरी गलियों में

फिर मिरे शहर में बारूद की बू फैली है

फिर से ''तू कौन है मैं कौन हूँ'' आपस में सवाल

फिर वही सोच मियान-ए-मन-ओ-तू फैली है

मिरी बस्ती से परे भी मिरे दुश्मन होंगे

पर यहाँ कब कोई अग़्यार का लश्कर उतरा

आश्ना हाथ ही अक्सर मिरी जानिब लपके

मेरे सीने में सदा अपना ही ख़ंजर उतरा

फिर वही ख़ौफ़ की दीवार तज़ब्ज़ुब की फ़ज़ा

फिर वही आम हुईं अहल-ए-रिया की बातें

नारा-ए-हुब्ब-ए-वतन माल-ए-तिजारत की तरह

जिंस-ए-अर्ज़ां की तरह दीन-ए-ख़ुदा की बातें

इस से पहले भी तो ऐसी ही घड़ी आई थी

सुब्ह-ए-वहशत की तरह शाम-ए-ग़रीबाँ की तरह

इस से पहले भी तो पैमान-ए-वफ़ा टूटे थे

शीशा-ए-दिल की तरह आईना-ए-जाँ की तरह

फिर कहाँ अहमरीं होंटों पे दुआओं के दिए

फिर कहाँ शबनमीं चेहरों पे रिफ़ाक़त की रिदा

संदलीं पाँव से मस्ताना-रवी रूठ गई

मरमरीं हाथों पे जल-बुझ गया अँगार-ए-हिना

दिल-नशीं आँखों में फुर्क़त-ज़दा काजल रोया

शाख़-ए-बाज़ू के लिए ज़ुल्फ़ का बादल रोया

मिस्ल-ए-पैराहन-ए-गुल फिर से बदन चाक हुए

जैसे अपनों की कमानों में हों अग़्यार के तीर

इस से पहले भी हुआ चाँद मोहब्बत का दो-नीम

नोक-ए-दशना से खिची थी मिरी धरती पे लकीर

आज ऐसा नहीं ऐसा नहीं होने देना

ऐ मिरे सोख़्ता-जानो मिरे पियारे लोगो

अब के गर ज़लज़ले आए तो क़यामत होगी

मेरे दिल-गीर मिरे दर्द के मारे लोगो

किसी ग़ासिब किसी ज़ालिम किसी क़ातिल के लिए

ख़ुद को तक़्सीम न करना मिरे सारे लोगो

---------------------------------------------------

ab mire dusre baazu pe vo shamshir hai jo

is se pahle bhi mira nisf badan kaaT chuki

usi banduq ki naali hai miri samt ki jo

is se pahle miri shah-rag ka lahu chaaT chuki

phir vahi aag dar aa.i hai miri galiyon men

phir mire shahr men barud ki bu phaili hai

phir se ''tu kaun hai main kaun hun aapas men saval

phir vahi soch miyan-e-man-o-tu phaili hai

miri basti se pare bhi mire dushman honge

par yahan kab koi aghyar ka lashkar utra

ashna haath hi aksar miri janib lapke

mere siine men sada apna hi khanjar utra

phir vahi khauf ki divar tazabzub ki faza

phir vahi aam huiin ahl-e-riya ki baten

na.ara-e-hubb-e-vatan mal-e-tijarat ki tarah

jins-e-arzan ki tarah din-e-khuda ki baten

is se pahle bhi to aisi hi ghaDi aa.i thi

sub.h-e-vahshat ki tarah sham-e-ghariban ki tarah

is se pahle bhi to paiman-e-vafa TuuTe the

shisha-e-dil ki tarah a.ina-e-jan ki tarah

phir kahan ahmarin honTon pe duaon ke diye

phir kahan shabnamin chehron pe rifaqat ki rida

sandalin paanv se mastana-ravi ruuTh ga.i

marmarin hathon pe jal-bujh gaya angar-e-hina

dil-nashin ankhon men furqat-zada kajal roya

shakh-e-bazu ke liye zulf ka badal roya

misl-e-pairahan-e-gul phir se badan chaak hue

jaise apnon ki kamanon men hon aghyar ke tiir

is se pahle bhi hua chand mohabbat ka do-nim

nok-e-dashna se khichi thi miri dharti pe lakir

aaj aisa nahin aisa nahin hone dena

ai mire sokhta-jano mire piyare logo

ab ke gar zalzale aa.e to qayamat hogi

mere dil-gir mire dard ke maare logo

kisi ghasib kisi zalim kisi qatil ke liye

khud ko taqsim na karna mire saare logo

ai mere sare logo ahmed faraz urdu poet kohat pakistan

jawab-e-shikwa dil se jo baat nikalti hai asar rakhti hai allama Iqbal..

by allama iqbal

दिल से जो बात निकलती है असर रखती है

पर नहीं ताक़त-ए-परवाज़ मगर रखती है

क़ुदसी-उल-अस्ल है रिफ़अत पे नज़र रखती है

ख़ाक से उठती है गर्दूं पे गुज़र रखती है

इश्क़ था फ़ित्नागर ओ सरकश ओ चालाक मिरा

आसमाँ चीर गया नाला-ए-बेबाक मिरा

पीर-ए-गर्दूं ने कहा सुन के कहीं है कोई

बोले सय्यारे सर-ए-अर्श-ए-बरीं है कोई

चाँद कहता था नहीं अहल-ए-ज़मीं है कोई

कहकशाँ कहती थी पोशीदा यहीं है कोई

कुछ जो समझा मिरे शिकवे को तो रिज़वाँ समझा

मुझ को जन्नत से निकाला हुआ इंसाँ समझा

थी फ़रिश्तों को भी हैरत कि ये आवाज़ है क्या

अर्श वालों पे भी खुलता नहीं ये राज़ है क्या

ता-सर-ए-अर्श भी इंसाँ की तग-ओ-ताज़ है क्या

आ गई ख़ाक की चुटकी को भी परवाज़ है क्या

ग़ाफ़िल आदाब से सुक्कान-ए-ज़मीं कैसे हैं

शोख़ ओ गुस्ताख़ ये पस्ती के मकीं कैसे हैं

इस क़दर शोख़ कि अल्लाह से भी बरहम है

था जो मस्जूद-ए-मलाइक ये वही आदम है

आलिम-ए-कैफ़ है दाना-ए-रुमूज़-ए-कम है

हाँ मगर इज्ज़ के असरार से ना-महरम है

नाज़ है ताक़त-ए-गुफ़्तार पे इंसानों को

बात करने का सलीक़ा नहीं नादानों को

आई आवाज़ ग़म-अंगेज़ है अफ़्साना तिरा

अश्क-ए-बेताब से लबरेज़ है पैमाना तिरा

आसमाँ-गीर हुआ नारा-ए-मस्ताना तिरा

किस क़दर शोख़-ज़बाँ है दिल-ए-दीवाना तिरा

शुक्र शिकवे को किया हुस्न-ए-अदा से तू ने

हम-सुख़न कर दिया बंदों को ख़ुदा से तू ने

हम तो माइल-ब-करम हैं कोई साइल ही नहीं

राह दिखलाएँ किसे रह-रव-ए-मंज़िल ही नहीं

तर्बियत आम तो है जौहर-ए-क़ाबिल ही नहीं

जिस से तामीर हो आदम की ये वो गिल ही नहीं

कोई क़ाबिल हो तो हम शान-ए-कई देते हैं

ढूँडने वालों को दुनिया भी नई देते हैं

हाथ बे-ज़ोर हैं इल्हाद से दिल ख़ूगर हैं

उम्मती बाइस-ए-रुस्वाई-ए-पैग़म्बर हैं

बुत-शिकन उठ गए बाक़ी जो रहे बुत-गर हैं

था ब्राहीम पिदर और पिसर आज़र हैं

बादा-आशाम नए बादा नया ख़ुम भी नए

हरम-ए-काबा नया बुत भी नए तुम भी नए

वो भी दिन थे कि यही माया-ए-रानाई था

नाज़िश-ए-मौसम-ए-गुल लाला-ए-सहराई था

जो मुसलमान था अल्लाह का सौदाई था

कभी महबूब तुम्हारा यही हरजाई था

किसी यकजाई से अब अहद-ए-ग़ुलामी कर लो

मिल्लत-ए-अहमद-ए-मुर्सिल को मक़ामी कर लो

किस क़दर तुम पे गिराँ सुब्ह की बेदारी है

हम से कब प्यार है हाँ नींद तुम्हें प्यारी है

तब-ए-आज़ाद पे क़ैद-ए-रमज़ाँ भारी है

तुम्हीं कह दो यही आईन-ए-वफ़ादारी है

क़ौम मज़हब से है मज़हब जो नहीं तुम भी नहीं

जज़्ब-ए-बाहम जो नहीं महफ़िल-ए-अंजुम भी नहीं

जिन को आता नहीं दुनिया में कोई फ़न तुम हो

नहीं जिस क़ौम को परवा-ए-नशेमन तुम हो

बिजलियाँ जिस में हों आसूदा वो ख़िर्मन तुम हो

बेच खाते हैं जो अस्लाफ़ के मदफ़न तुम हो

हो निको नाम जो क़ब्रों की तिजारत कर के

क्या न बेचोगे जो मिल जाएँ सनम पत्थर के

सफ़्हा-ए-दहर से बातिल को मिटाया किस ने

नौ-ए-इंसाँ को ग़ुलामी से छुड़ाया किस ने

मेरे काबे को जबीनों से बसाया किस ने

मेरे क़ुरआन को सीनों से लगाया किस ने

थे तो आबा वो तुम्हारे ही मगर तुम क्या हो

हाथ पर हाथ धरे मुंतज़िर-ए-फ़र्दा हो

क्या कहा बहर-ए-मुसलमाँ है फ़क़त वादा-ए-हूर

शिकवा बेजा भी करे कोई तो लाज़िम है शुऊर

अदल है फ़ातिर-ए-हस्ती का अज़ल से दस्तूर

मुस्लिम आईं हुआ काफ़िर तो मिले हूर ओ क़ुसूर

तुम में हूरों का कोई चाहने वाला ही नहीं

जल्वा-ए-तूर तो मौजूद है मूसा ही नहीं

मंफ़अत एक है इस क़ौम का नुक़सान भी एक

एक ही सब का नबी दीन भी ईमान भी एक

हरम-ए-पाक भी अल्लाह भी क़ुरआन भी एक

कुछ बड़ी बात थी होते जो मुसलमान भी एक

फ़िरक़ा-बंदी है कहीं और कहीं ज़ातें हैं

क्या ज़माने में पनपने की यही बातें हैं

कौन है तारिक-ए-आईन-ए-रसूल-ए-मुख़्तार

मस्लहत वक़्त की है किस के अमल का मेआर

किस की आँखों में समाया है शिआर-ए-अग़्यार

हो गई किस की निगह तर्ज़-ए-सलफ़ से बे-ज़ार

क़ल्ब में सोज़ नहीं रूह में एहसास नहीं

कुछ भी पैग़ाम-ए-मोहम्मद का तुम्हें पास नहीं

जा के होते हैं मसाजिद में सफ़-आरा तो ग़रीब

ज़हमत-ए-रोज़ा जो करते हैं गवारा तो ग़रीब

नाम लेता है अगर कोई हमारा तो ग़रीब

पर्दा रखता है अगर कोई तुम्हारा तो ग़रीब

उमरा नश्शा-ए-दौलत में हैं ग़ाफ़िल हम से

ज़िंदा है मिल्लत-ए-बैज़ा ग़ुरबा के दम से

वाइज़-ए-क़ौम की वो पुख़्ता-ख़याली न रही

बर्क़-ए-तबई न रही शोला-मक़ाली न रही

रह गई रस्म-ए-अज़ाँ रूह-ए-बिलाली न रही

फ़ल्सफ़ा रह गया तल्क़ीन-ए-ग़ज़ाली न रही

मस्जिदें मर्सियाँ-ख़्वाँ हैं कि नमाज़ी न रहे

यानी वो साहिब-ए-औसाफ़-ए-हिजाज़ी न रहे

शोर है हो गए दुनिया से मुसलमाँ नाबूद

हम ये कहते हैं कि थे भी कहीं मुस्लिम मौजूद

वज़्अ में तुम हो नसारा तो तमद्दुन में हुनूद

ये मुसलमाँ हैं जिन्हें देख के शरमाएँ यहूद

यूँ तो सय्यद भी हो मिर्ज़ा भी हो अफ़्ग़ान भी हो

तुम सभी कुछ हो बताओ तो मुसलमान भी हो

दम-ए-तक़रीर थी मुस्लिम की सदाक़त बेबाक

अदल उस का था क़वी लौस-ए-मराआत से पाक

शजर-ए-फ़ितरत-ए-मुस्लिम था हया से नमनाक

था शुजाअत में वो इक हस्ती-ए-फ़ोक़-उल-इदराक

ख़ुद-गुदाज़ी नम-ए-कैफ़ियत-ए-सहबा-यश बूद

ख़ाली-अज़-ख़ेश शुदन सूरत-ए-मीना-यश बूद

हर मुसलमाँ रग-ए-बातिल के लिए नश्तर था

उस के आईना-ए-हस्ती में अमल जौहर था

जो भरोसा था उसे क़ुव्वत-ए-बाज़ू पर था

है तुम्हें मौत का डर उस को ख़ुदा का डर था

बाप का इल्म न बेटे को अगर अज़बर हो

फिर पिसर क़ाबिल-ए-मीरास-ए-पिदर क्यूँकर हो

हर कोई मस्त-ए-मय-ए-ज़ौक़-ए-तन-आसानी है

तुम मुसलमाँ हो ये अंदाज़-ए-मुसलमानी है

हैदरी फ़क़्र है ने दौलत-ए-उस्मानी है

तुम को अस्लाफ़ से क्या निस्बत-ए-रूहानी है

वो ज़माने में मुअज़्ज़िज़ थे मुसलमाँ हो कर

और तुम ख़्वार हुए तारिक-ए-क़ुरआँ हो कर

तुम हो आपस में ग़ज़बनाक वो आपस में रहीम

तुम ख़ता-कार ओ ख़ता-बीं वो ख़ता-पोश ओ करीम

चाहते सब हैं कि हों औज-ए-सुरय्या पे मुक़ीम

पहले वैसा कोई पैदा तो करे क़ल्ब-ए-सलीम

तख़्त-ए-फ़ग़्फ़ूर भी उन का था सरीर-ए-कए भी

यूँ ही बातें हैं कि तुम में वो हमियत है भी

ख़ुद-कुशी शेवा तुम्हारा वो ग़यूर ओ ख़ुद्दार

तुम उख़ुव्वत से गुरेज़ाँ वो उख़ुव्वत पे निसार

तुम हो गुफ़्तार सरापा वो सरापा किरदार

तुम तरसते हो कली को वो गुलिस्ताँ ब-कनार

अब तलक याद है क़ौमों को हिकायत उन की

नक़्श है सफ़्हा-ए-हस्ती पे सदाक़त उन की

मिस्ल-ए-अंजुम उफ़ुक़-ए-क़ौम पे रौशन भी हुए

बुत-ए-हिन्दी की मोहब्बत में बिरहमन भी हुए

शौक़-ए-परवाज़ में महजूर-ए-नशेमन भी हुए

बे-अमल थे ही जवाँ दीन से बद-ज़न भी हुए

इन को तहज़ीब ने हर बंद से आज़ाद किया

ला के काबे से सनम-ख़ाने में आबाद किया

क़ैस ज़हमत-कश-ए-तन्हाई-ए-सहरा न रहे

शहर की खाए हवा बादिया-पैमा न रहे

वो तो दीवाना है बस्ती में रहे या न रहे

ये ज़रूरी है हिजाब-ए-रुख़-ए-लैला न रहे

गिला-ए-ज़ौर न हो शिकवा-ए-बेदाद न हो

इश्क़ आज़ाद है क्यूँ हुस्न भी आज़ाद न हो

अहद-ए-नौ बर्क़ है आतिश-ज़न-ए-हर-ख़िर्मन है

ऐमन इस से कोई सहरा न कोई गुलशन है

इस नई आग का अक़्वाम-ए-कुहन ईंधन है

मिल्लत-ए-ख़त्म-ए-रसूल शोला-ब-पैराहन है

आज भी हो जो ब्राहीम का ईमाँ पैदा

आग कर सकती है अंदाज़-ए-गुलिस्ताँ पैदा

देख कर रंग-ए-चमन हो न परेशाँ माली

कौकब-ए-ग़ुंचा से शाख़ें हैं चमकने वाली

ख़स ओ ख़ाशाक से होता है गुलिस्ताँ ख़ाली

गुल-बर-अंदाज़ है ख़ून-ए-शोहदा की लाली

रंग गर्दूं का ज़रा देख तो उन्नाबी है

ये निकलते हुए सूरज की उफ़ुक़-ताबी है

उम्मतें गुलशन-ए-हस्ती में समर-चीदा भी हैं

और महरूम-ए-समर भी हैं ख़िज़ाँ-दीदा भी हैं

सैकड़ों नख़्ल हैं काहीदा भी बालीदा भी हैं

सैकड़ों बत्न-ए-चमन में अभी पोशीदा भी हैं

नख़्ल-ए-इस्लाम नमूना है बिरौ-मंदी का

फल है ये सैकड़ों सदियों की चमन-बंदी का

पाक है गर्द-ए-वतन से सर-ए-दामाँ तेरा

तू वो यूसुफ़ है कि हर मिस्र है कनआँ तेरा

क़ाफ़िला हो न सकेगा कभी वीराँ तेरा

ग़ैर यक-बाँग-ए-दारा कुछ नहीं सामाँ तेरा

नख़्ल-ए-शमा अस्ती ओ दर शोला दो-रेशा-ए-तू

आक़िबत-सोज़ बवद साया-ए-अँदेशा-ए-तू

तू न मिट जाएगा ईरान के मिट जाने से

नश्शा-ए-मय को तअल्लुक़ नहीं पैमाने से

है अयाँ यूरिश-ए-तातार के अफ़्साने से

पासबाँ मिल गए काबे को सनम-ख़ाने से

कश्ती-ए-हक़ का ज़माने में सहारा तू है

अस्र-ए-नौ-रात है धुँदला सा सितारा तू है

है जो हंगामा बपा यूरिश-ए-बुलग़ारी का

ग़ाफ़िलों के लिए पैग़ाम है बेदारी का

तू समझता है ये सामाँ है दिल-आज़ारी का

इम्तिहाँ है तिरे ईसार का ख़ुद्दारी का

क्यूँ हिरासाँ है सहिल-ए-फ़रस-ए-आदा से

नूर-ए-हक़ बुझ न सकेगा नफ़स-ए-आदा से

चश्म-ए-अक़्वाम से मख़्फ़ी है हक़ीक़त तेरी

है अभी महफ़िल-ए-हस्ती को ज़रूरत तेरी

ज़िंदा रखती है ज़माने को हरारत तेरी

कौकब-ए-क़िस्मत-ए-इम्काँ है ख़िलाफ़त तेरी

वक़्त-ए-फ़ुर्सत है कहाँ काम अभी बाक़ी है

नूर-ए-तौहीद का इत्माम अभी बाक़ी है

मिस्ल-ए-बू क़ैद है ग़ुंचे में परेशाँ हो जा

रख़्त-बर-दोश हवा-ए-चमनिस्ताँ हो जा

है तुनक-माया तू ज़र्रे से बयाबाँ हो जा

नग़्मा-ए-मौज है हंगामा-ए-तूफ़ाँ हो जा

क़ुव्वत-ए-इश्क़ से हर पस्त को बाला कर दे

दहर में इस्म-ए-मोहम्मद से उजाला कर दे

हो न ये फूल तो बुलबुल का तरन्नुम भी न हो

चमन-ए-दह्र में कलियों का तबस्सुम भी न हो

ये न साक़ी हो तो फिर मय भी न हो ख़ुम भी न हो

बज़्म-ए-तौहीद भी दुनिया में न हो तुम भी न हो

ख़ेमा-ए-अफ़्लाक का इस्तादा इसी नाम से है

नब्ज़-ए-हस्ती तपिश-आमादा इसी नाम से है

दश्त में दामन-ए-कोहसार में मैदान में है

बहर में मौज की आग़ोश में तूफ़ान में है

चीन के शहर मराक़श के बयाबान में है

और पोशीदा मुसलमान के ईमान में है

चश्म-ए-अक़्वाम ये नज़्ज़ारा अबद तक देखे

रिफ़अत-ए-शान-ए-रफ़ाना-लका-ज़िक्र देखे

मर्दुम-ए-चश्म-ए-ज़मीं यानी वो काली दुनिया

वो तुम्हारे शोहदा पालने वाली दुनिया

गर्मी-ए-मेहर की परवरदा हिलाली दुनिया

इश्क़ वाले जिसे कहते हैं बिलाली दुनिया

तपिश-अंदोज़ है इस नाम से पारे की तरह

ग़ोता-ज़न नूर में है आँख के तारे की तरह

अक़्ल है तेरी सिपर इश्क़ है शमशीर तिरी

मिरे दरवेश ख़िलाफ़त है जहाँगीर तिरी

मा-सिवा-अल्लाह के लिए आग है तकबीर तिरी

तू मुसलमाँ हो तो तक़दीर है तदबीर तिरी

की मोहम्मद से वफ़ा तू ने तो हम तेरे हैं

ये जहाँ चीज़ है क्या लौह-ओ-क़लम तेरे हैं

-----------------------------------------------------------------

dil se jo baat nikalti hai asar rakhti hai

par nahin taqat-e-parvaz magar rakhti hai

qudsi-ul-asl hai rif.at pe nazar rakhti hai

khaak se uThti hai gardun pe guzar rakhti hai

ishq tha fitnagar o sarkash o chalak mira

asman chiir gaya nala-e-bebak mira

pir-e-gardun ne kaha sun ke kahin hai koi

bole sayyare sar-e-arsh-e-barin hai koi

chand kahta tha nahin ahl-e-zamin hai koi

kahkashan kahti thi poshida yahin hai koi

kuchh jo samjha mire shikve ko to rizvan samjha

mujh ko jannat se nikala hua insan samjha

thi farishton ko bhi hairat ki ye avaz hai kya

arsh valon pe bhi khulta nahin ye raaz hai kya

ta-sar-e-arsh bhi insan ki tag-o-taz hai kya

aa ga.i khaak ki chuTki ko bhi parvaz hai kya

ghafil adab se sukkan-e-zamin kaise hain

shokh o gustakh ye pasti ke makin kaise hain

is qadar shokh ki allah se bhi barham hai

tha jo masjud-e-mala.ik ye vahi aadam hai

alim-e-kaif hai dana-e-rumuz-e-kam hai

haan magar ijz ke asrar se na-mahram hai

naaz hai taqat-e-guftar pe insanon ko

baat karne ka saliqa nahin na-danon ko

aa.i avaz gham-angez hai afsana tira

ashk-e-betab se labrez hai paimana tira

asman-gir hua nara-e-mastana tira

kis qadar shokh-zaban hai dil-e-divana tira

shukr shikve ko kiya husn-e-ada se tu ne

ham-sukhan kar diya bandon ko khuda se tu ne

ham to ma.il-ba-karam hain koi saa.il hi nahin

raah dikhla.en kise rah-rav-e-manzil hi nahin

tarbiyat aam to hai jauhar-e-qabil hi nahin

jis se ta.amir ho aadam ki ye vo gil hi nahin

koi qabil ho to ham shan-e-ka.i dete hain

DhunDne valon ko duniya bhi na.i dete hain

haath be-zor hain ilhad se dil khugar hain

ummati ba.is-e-rusva.i-e-paighambar hain

but-shikan uTh ga.e baaqi jo rahe but-gar hain

tha brahim pidar aur pisar aazar hain

bada-asham na.e baada naya khum bhi na.e

haram-e-kaba naya but bhi na.e tum bhi na.e

vo bhi din the ki yahi maya-e-rana.i tha

nazish-e-mausam-e-gul lala-e-sahra.i tha

jo musalman tha allah ka sauda.i tha

kabhi mahbub tumhara yahi harja.i tha

kisi yakja.i se ab ahd-e-ghulami kar lo

millat-e-ahmad-e-mursil ko maqami kar lo

kis qadar tum pe giran sub.h ki bedari hai

ham se kab pyaar hai haan niind tumhen pyari hai

tab-e-azad pe qaid-e-ramazan bhari hai

tumhin kah do yahi a.in-e-vafadari hai

qaum maz.hab se hai maz.hab jo nahin tum bhi nahin

jazb-e-baham jo nahin mahfil-e-anjum bhi nahin

jin ko aata nahin duniya men koi fan tum ho

nahin jis qaum ko parva-e-nasheman tum ho

bijliyan jis men hon asuda vo khirman tum ho

bech khate hain jo aslaf ke madfan tum ho

ho niko naam jo qabron ki tijarat kar ke

kya na bechoge jo mil jaa.en sanam patthar ke

safha-e-dahr se batil ko miTaya kis ne

nau-e-insan ko ghulami se chhuDaya kis ne

mere ka.abe ko jabinon se basaya kis ne

mere qur.an ko sinon se lagaya kis ne

the to aaba vo tumhare hi magar tum kya ho

haath par haath dhare muntazir-e-farda ho

kya kaha bahr-e-musalman hai faqat vada-e-hur

shikva beja bhi kare koi to lazim hai shu.ur

adl hai fatir-e-hasti ka azal se dastur

muslim aa.iin hua kafir to mile huur o qusur

tum men huron ka koi chahne vaala hi nahin

jalva-e-tur to maujud hai muusa hi nahin

manfa.at ek hai is qaum ka nuqsan bhi ek

ek hi sab ka nabi diin bhi iman bhi ek

haram-e-pak bhi allah bhi qur.an bhi ek

kuchh baDi baat thi hote jo musalman bhi ek

firqa-bandi hai kahin aur kahin zaten hain

kya zamane men panapne ki yahi baten hain

kaun hai tarik-e-a.in-e-rasul-e-mukhtar

maslahat vaqt ki hai kis ke amal ka me.aar

kis ki ankhon men samaya hai shi.ar-e-aghyar

ho ga.i kis ki nigah tarz-e-salaf se be-zar

qalb men soz nahin ruuh men ehsas nahin

kuchh bhi paigham-e-mohammad ka tumhen paas nahin

ja ke hote hain masajid men saf-ara to gharib

zahmat-e-roza jo karte hain gavara to gharib

naam leta hai agar koi hamara to gharib

parda rakhta hai agar koi tumhara to gharib

umara nashsha-e-daulat men hain ghafil ham se

zinda hai millat-e-baiza ghoraba ke dam se

va.iz-e-qaum ki vo pukhta-khayali na rahi

barq-e-tab.i na rahi shola-maqali na rahi

rah ga.i rasm-e-azan ruh-e-bilali na rahi

falsafa rah gaya talqin-e-ghazali na rahi

masjiden marsiyan-khvan hain ki namazi na rahe

yaani vo sahib-e-ausaf-e-hijazi na rahe

shor hai ho ga.e duniya se musalman nabud

ham ye kahte hain ki the bhi kahin muslim maujud

vaz.a men tum ho nasara to tamaddun men hunud

ye musalman hain jinhen dekh ke sharma.en yahud

yuun to sayyad bhi ho mirza bhi ho afghan bhi ho

tum sabhi kuchh ho batao to musalman bhi ho

dam-e-taqrir thi muslim ki sadaqat bebak

adl us ka tha qavi laus-e-mara.at se paak

shajar-e-fitrat-e-muslim tha haya se namnak

tha shuja.at men vo ik hasti-e-fauq-ul-idrak

khud-gudazi nam-e-kaifiyat-e-sahba-yash buud

khali-az-khesh shudan surat-e-mina-yash buud

har musalman rag-e-batil ke liye nashtar tha

us ke a.ina-e-hasti men amal jauhar tha

jo bharosa tha use quvvat-e-bazu par tha

hai tumhen maut ka Dar us ko khuda ka Dar tha

baap ka ilm na beTe ko agar azbar ho

phir pisar qabil-e-miras-e-pidar kyunkar ho

har koi mast-e-mai-e-zauq-e-tan-asani hai

tum musalman ho ye andaz-e-musalmani hai

haidari faqr hai ne daulat-e-usmani hai

tum ko aslaf se kya nisbat-e-ruhani hai

vo zamane men muazziz the musalman ho kar

aur tum khvar hue tarik-e-qur.an ho kar

tum ho aapas men ghazabnak vo aapas men rahim

tum khata-kar o khata-bin vo khata-posh o karim

chahte sab hain ki hon auj-e-surayya pe muqim

pahle vaisa koi paida to kare qalb-e-salim

takht-e-faghfur bhi un ka tha sarir-e-ka.e bhi

yuun hi baten hain ki tum men vo hamiyat hai bhi

khud-kushi sheva tumhara vo ghayur o khuddar

tum ukhuvvat se gurezan vo ukhuvvat pe nisar

tum ho guftar sarapa vo sarapa kirdar

tum taraste ho kali ko vo gulistan ba-kanar

ab talak yaad hai qaumon ko hikayat un ki

naqsh hai safha-e-hasti pe sadaqat un ki

misl-e-anjum ufuq-e-qaum pe raushan bhi hue

but-e-hindi ki mohabbat men birhman bhi hue

shauq-e-parvaz men mahjur-e-nasheman bhi hue

be-amal the hi javan diin se bad-zan bhi hue

in ko tahzib ne har band se azad kiya

la ke ka.abe se sanam-khane men abad kiya

qais zahmat-kash-e-tanha.i-e-sahra na rahe

shahr ki khaa.e hava badiya-paima na rahe

vo to divana hai basti men rahe ya na rahe

ye zaruri hai hijab-e-rukh-e-laila na rahe

gila-e-zaur na ho shikva-e-bedad na ho

ishq azad hai kyuun husn bhi azad na ho

ahd-e-nau barq hai atish-zan-e-har-khirman hai

aiman is se koi sahra na koi gulshan hai

is na.i aag ka aqvam-e-kuhan indhan hai

millat-e-khatm-e-rusul shola-ba-pairahan hai

aaj bhi ho jo brahim ka iman paida

aag kar sakti hai andaz-e-gulistan paida

dekh kar rang-e-chaman ho na pareshan maali

Kaukab-e-ghuncha se shakhen hain chamakne vaali

khas o khashak se hota hai gulistan khali

ghul-bar-andaz hai khun-e-shohda ki laali

rang gardun ka zara dekh to unnabi hai

ye nikalte hue suraj ki ufuq-tabi hai

ummaten gulshan-e-hasti men samar-chida bhi hain

aur mahrum-e-samar bhi hain khizan-dida bhi hain

saikDon nakhl hain kahida bhi balida bhi hain

saikDon batn-e-chaman men abhi poshida bhi hain

nakhl-e-islam namuna hai birau-mandi ka

phal hai ye saikDon sadiyon ki chaman-bandi ka

paak hai gard-e-vatan se sar-e-daman tera

tu vo yusuf hai ki har misr hai kan.an tera

qafila ho na sakega kabhi viran tera

ghair yak-bang-e-dara kuchh nahin saman tera

nakhl-e-shama asti o dar shola do-resha-e-tu

aqibat-soz bavad saya-e-andesha-e-tu

tu na miT ja.ega iran ke miT jaane se

nashsha-e-mai ko ta.alluq nahin paimane se

hai ayaan yurish-e-tatar ke afsane se

pasban mil ga.e ka.abe ko sanam-khane se

kashti-e-haq ka zamane men sahara tu hai

asr-e-nau-rat hai dhundla sa sitara tu hai

hai jo hangama bapa yurish-e-bulghari ka

ghafilon ke liye paigham hai bedari ka

tu samajhta hai ye saman hai dil-azari ka

imtihan hai tire isar ka khuddari ka

kyuun hirasan hai sahil-e-faras-e-ada se

nur-e-haq bujh na sakega nafas-e-ada se

chashm-e-aqvam se makhfi hai haqiqat teri

hai abhi mahfil-e-hasti ko zarurat teri

zinda rakhti hai zamane ko hararat teri

kaukab-e-qismat-e-imkan hai khilafat teri

vaqt-e-fursat hai kahan kaam abhi baaqi hai

nur-e-tauhid ka itmam abhi baaqi hai

misl-e-bu qaid hai ghunche men pareshan ho ja

rakht-bar-dosh hava-e-chamanistan ho ja

hai tunak-maya tu zarre se bayaban ho ja

naghma-e-mauj hai hangama-e-tufan ho ja

quvvat-e-ishq se har past ko baala kar de

dahr men ism-e-mohammad se ujala kar de

ho na ye phuul to bulbul ka tarannum bhi na ho

chaman-e-dahr men kaliyon ka tabassum bhi na ho

ye na saaqi ho to phir mai bhi na ho khum bhi na ho

bazm-e-tauhid bhi duniya men na ho tum bhi na ho

khema-e-aflak ka istada isi naam se hai

nabz-e-hasti tapish-amada isi naam se hai

dasht men daman-e-kohsar men maidan men hai

bahr men mauj ki aghosh men tufan men hai

chiin ke shahr maraqash ke bayaban men hai

aur poshida musalman ke iman men hai

chashm-e-aqvam ye nazzara abad tak dekhe

rif.at-e-shan-e-rafana-laka-zikrak dekhe

mardum-e-chashm-e-zamin yaani vo kaali duniya

vo tumhare shohda palne vaali duniya

garmi-e-mehr ki parvarda hilali duniya

ishq vaale jise kahte hain bilali duniya

tapish-andoz hai is naam se paare ki tarah

ghota-zan nuur men hai aankh ke taare ki tarah

aql hai teri sipar ishq hai shamshir tiri

mire darvesh khilafat hai jahangir tiri

ma-siva-allah ke liye aag hai takbir tiri

tu musalman ho to taqdir hai tadbir tiri

ki mohammad se vafa tu ne to ham tere hain

ye jahan chiiz hai kya lauh-o-qalam tere hain

iqbal shikwa jawab-e-shikwa lahore

shikwa Kyun ziyaan kar banun sud faramosh rahun Allama Iqbal..

by allama iqbal

क्यूँ ज़ियाँ-कार बनूँ सूद-फ़रामोश रहूँ

फ़िक्र-ए-फ़र्दा न करूँ महव-ए-ग़म-ए-दोश रहूँ

नाले बुलबुल के सुनूँ और हमा-तन गोश रहूँ

हम-नवा मैं भी कोई गुल हूँ कि ख़ामोश रहूँ

जुरअत-आमोज़ मिरी ताब-ए-सुख़न है मुझ को

शिकवा अल्लाह से ख़ाकम-ब-दहन है मुझ को

है बजा शेवा-ए-तस्लीम में मशहूर हैं हम

क़िस्सा-ए-दर्द सुनाते हैं कि मजबूर हैं हम

साज़ ख़ामोश हैं फ़रियाद से मामूर हैं हम

नाला आता है अगर लब पे तो मा'ज़ूर हैं हम

ऐ ख़ुदा शिकवा-ए-अर्बाब-ए-वफ़ा भी सुन ले

ख़ूगर-ए-हम्द से थोड़ा सा गिला भी सुन ले

थी तो मौजूद अज़ल से ही तिरी ज़ात-ए-क़दीम

फूल था ज़ेब-ए-चमन पर न परेशाँ थी शमीम

शर्त इंसाफ़ है ऐ साहिब-ए-अल्ताफ़-ए-अमीम

बू-ए-गुल फैलती किस तरह जो होती न नसीम

हम को जमईयत-ए-ख़ातिर ये परेशानी थी

वर्ना उम्मत तिरे महबूब की दीवानी थी

हम से पहले था अजब तेरे जहाँ का मंज़र

कहीं मस्जूद थे पत्थर कहीं मा'बूद शजर

ख़ूगर-ए-पैकर-ए-महसूस थी इंसाँ की नज़र

मानता फिर कोई अन-देखे ख़ुदा को क्यूँकर

तुझ को मालूम है लेता था कोई नाम तिरा

क़ुव्वत-ए-बाज़ू-ए-मुस्लिम ने किया काम तिरा

बस रहे थे यहीं सल्जूक़ भी तूरानी भी

अहल-ए-चीं चीन में ईरान में सासानी भी

इसी मामूरे में आबाद थे यूनानी भी

इसी दुनिया में यहूदी भी थे नसरानी भी

पर तिरे नाम पे तलवार उठाई किस ने

बात जो बिगड़ी हुई थी वो बनाई किस ने

थे हमीं एक तिरे मारका-आराओं में

ख़ुश्कियों में कभी लड़ते कभी दरियाओं में

दीं अज़ानें कभी यूरोप के कलीसाओं में

कभी अफ़्रीक़ा के तपते हुए सहराओं में

शान आँखों में न जचती थी जहाँ-दारों की

कलमा पढ़ते थे हमीं छाँव में तलवारों की

हम जो जीते थे तो जंगों की मुसीबत के लिए

और मरते थे तिरे नाम की अज़्मत के लिए

थी न कुछ तेग़ज़नी अपनी हुकूमत के लिए

सर-ब-कफ़ फिरते थे क्या दहर में दौलत के लिए

क़ौम अपनी जो ज़र-ओ-माल-ए-जहाँ पर मरती

बुत-फ़रोशीं के एवज़ बुत-शिकनी क्यूँ करती

टल न सकते थे अगर जंग में अड़ जाते थे

पाँव शेरों के भी मैदाँ से उखड़ जाते थे

तुझ से सरकश हुआ कोई तो बिगड़ जाते थे

तेग़ क्या चीज़ है हम तोप से लड़ जाते थे

नक़्श-ए-तौहीद का हर दिल पे बिठाया हम ने

ज़ेर-ए-ख़ंजर भी ये पैग़ाम सुनाया हम ने

तू ही कह दे कि उखाड़ा दर-ए-ख़ैबर किस ने

शहर क़ैसर का जो था उस को किया सर किस ने

तोड़े मख़्लूक़ ख़ुदावंदों के पैकर किस ने

काट कर रख दिए कुफ़्फ़ार के लश्कर किस ने

किस ने ठंडा किया आतिश-कदा-ए-ईराँ को

किस ने फिर ज़िंदा किया तज़्किरा-ए-यज़्दाँ को

कौन सी क़ौम फ़क़त तेरी तलबगार हुई

और तेरे लिए ज़हमत-कश-ए-पैकार हुई

किस की शमशीर जहाँगीर जहाँ-दार हुई

किस की तकबीर से दुनिया तिरी बेदार हुई

किस की हैबत से सनम सहमे हुए रहते थे

मुँह के बल गिर के हू-अल्लाहू-अहद कहते थे

आ गया ऐन लड़ाई में अगर वक़्त-ए-नमाज़

क़िबला-रू हो के ज़मीं-बोस हुई क़ौम-ए-हिजाज़

एक ही सफ़ में खड़े हो गए महमूद ओ अयाज़

न कोई बंदा रहा और न कोई बंदा-नवाज़

बंदा ओ साहब ओ मोहताज ओ ग़नी एक हुए

तेरी सरकार में पहुँचे तो सभी एक हुए

महफ़िल-ए-कौन-ओ-मकाँ में सहर ओ शाम फिरे

मय-ए-तौहीद को ले कर सिफ़त-ए-जाम फिरे

कोह में दश्त में ले कर तिरा पैग़ाम फिरे

और मालूम है तुझ को कभी नाकाम फिरे

दश्त तो दश्त हैं दरिया भी न छोड़े हम ने

बहर-ए-ज़ुल्मात में दौड़ा दिए घोड़े हम ने

सफ़्हा-ए-दहर से बातिल को मिटाया हम ने

नौ-ए-इंसाँ को ग़ुलामी से छुड़ाया हम ने

तेरे का'बे को जबीनों से बसाया हम ने

तेरे क़ुरआन को सीनों से लगाया हम ने

फिर भी हम से ये गिला है कि वफ़ादार नहीं

हम वफ़ादार नहीं तू भी तो दिलदार नहीं

उम्मतें और भी हैं उन में गुनहगार भी हैं

इज्ज़ वाले भी हैं मस्त-ए-मय-ए-पिंदार भी हैं

उन में काहिल भी हैं ग़ाफ़िल भी हैं हुश्यार भी हैं

सैकड़ों हैं कि तिरे नाम से बे-ज़ार भी हैं

रहमतें हैं तिरी अग़्यार के काशानों पर

बर्क़ गिरती है तो बेचारे मुसलमानों पर

बुत सनम-ख़ानों में कहते हैं मुसलमान गए

है ख़ुशी उन को कि का'बे के निगहबान गए

मंज़िल-ए-दहर से ऊँटों के हुदी-ख़्वान गए

अपनी बग़लों में दबाए हुए क़ुरआन गए

ख़ंदा-ज़न कुफ़्र है एहसास तुझे है कि नहीं

अपनी तौहीद का कुछ पास तुझे है कि नहीं

ये शिकायत नहीं हैं उन के ख़ज़ाने मामूर

नहीं महफ़िल में जिन्हें बात भी करने का शुऊ'र

क़हर तो ये है कि काफ़िर को मिलें हूर ओ क़ुसूर

और बेचारे मुसलमाँ को फ़क़त वादा-ए-हूर

अब वो अल्ताफ़ नहीं हम पे इनायात नहीं

बात ये क्या है कि पहली सी मुदारात नहीं

क्यूँ मुसलमानों में है दौलत-ए-दुनिया नायाब

तेरी क़ुदरत तो है वो जिस की न हद है न हिसाब

तू जो चाहे तो उठे सीना-ए-सहरा से हबाब

रह-रव-ए-दश्त हो सैली-ज़दा-ए-मौज-ए-सराब

तान-ए-अग़्यार है रुस्वाई है नादारी है

क्या तिरे नाम पे मरने का एवज़ ख़्वारी है

बनी अग़्यार की अब चाहने वाली दुनिया

रह गई अपने लिए एक ख़याली दुनिया

हम तो रुख़्सत हुए औरों ने सँभाली दुनिया

फिर न कहना हुई तौहीद से ख़ाली दुनिया

हम तो जीते हैं कि दुनिया में तिरा नाम रहे

कहीं मुमकिन है कि साक़ी न रहे जाम रहे

तेरी महफ़िल भी गई चाहने वाले भी गए

शब की आहें भी गईं सुब्ह के नाले भी गए

दिल तुझे दे भी गए अपना सिला ले भी गए

आ के बैठे भी न थे और निकाले भी गए

आए उश्शाक़ गए वादा-ए-फ़र्दा ले कर

अब उन्हें ढूँड चराग़-ए-रुख़-ए-ज़ेबा ले कर

दर्द-ए-लैला भी वही क़ैस का पहलू भी वही

नज्द के दश्त ओ जबल में रम-ए-आहू भी वही

इश्क़ का दिल भी वही हुस्न का जादू भी वही

उम्मत-ए-अहमद-ए-मुर्सिल भी वही तू भी वही

फिर ये आज़ुर्दगी-ए-ग़ैर सबब क्या मा'नी

अपने शैदाओं पे ये चश्म-ए-ग़ज़ब क्या मा'नी

तुझ को छोड़ा कि रसूल-ए-अरबी को छोड़ा

बुत-गरी पेशा किया बुत-शिकनी को छोड़ा

इश्क़ को इश्क़ की आशुफ़्ता-सरी को छोड़ा

रस्म-ए-सलमान ओ उवैस-ए-क़रनी को छोड़ा

आग तकबीर की सीनों में दबी रखते हैं

ज़िंदगी मिस्ल-ए-बिलाल-ए-हबशी रखते हैं

इश्क़ की ख़ैर वो पहली सी अदा भी न सही

जादा-पैमाई-ए-तस्लीम-ओ-रज़ा भी न सही

मुज़्तरिब दिल सिफ़त-ए-क़िबला-नुमा भी न सही

और पाबंदी-ए-आईन-ए-वफ़ा भी न सही

कभी हम से कभी ग़ैरों से शनासाई है

बात कहने की नहीं तू भी तो हरजाई है

सर-ए-फ़ाराँ पे किया दीन को कामिल तू ने

इक इशारे में हज़ारों के लिए दिल तू ने

आतिश-अंदोज़ किया इश्क़ का हासिल तू ने

फूँक दी गर्मी-ए-रुख़्सार से महफ़िल तू ने

आज क्यूँ सीने हमारे शरर-आबाद नहीं

हम वही सोख़्ता-सामाँ हैं तुझे याद नहीं

वादी-ए-नज्द में वो शोर-ए-सलासिल न रहा

क़ैस दीवाना-ए-नज़्ज़ारा-ए-महमिल न रहा

हौसले वो न रहे हम न रहे दिल न रहा

घर ये उजड़ा है कि तू रौनक़-ए-महफ़िल न रहा

ऐ ख़ुशा आँ रोज़ कि आई ओ ब-सद नाज़ आई

बे-हिजाबाना सू-ए-महफ़िल-ए-मा बाज़ आई

बादा-कश ग़ैर हैं गुलशन में लब-ए-जू बैठे

सुनते हैं जाम-ब-कफ़ नग़्मा-ए-कू-कू बैठे

दौर हंगामा-ए-गुलज़ार से यकसू बैठे

तेरे दीवाने भी हैं मुंतज़िर-ए-हू बैठे

अपने परवानों को फिर ज़ौक़-ए-ख़ुद-अफ़रोज़ी दे

बर्क़-ए-देरीना को फ़रमान-ए-जिगर-सोज़ी दे

क़ौम-ए-आवारा इनाँ-ताब है फिर सू-ए-हिजाज़

ले उड़ा बुलबुल-ए-बे-पर को मज़ाक़-ए-परवाज़

मुज़्तरिब-बाग़ के हर ग़ुंचे में है बू-ए-नियाज़

तू ज़रा छेड़ तो दे तिश्ना-ए-मिज़राब है साज़

नग़्मे बेताब हैं तारों से निकलने के लिए

तूर मुज़्तर है उसी आग में जलने के लिए

मुश्किलें उम्मत-ए-मरहूम की आसाँ कर दे

मोर-ए-बे-माया को हम-दोश-ए-सुलेमाँ कर दे

जिंस-ए-नायाब-ए-मोहब्बत को फिर अर्ज़ां कर दे

हिन्द के दैर-नशीनों को मुसलमाँ कर दे

जू-ए-ख़ूँ मी चकद अज़ हसरत-ए-दैरीना-ए-मा

मी तपद नाला ब-निश्तर कद-ए-सीना-ए-मा

बू-ए-गुल ले गई बैरून-ए-चमन राज़-ए-चमन

क्या क़यामत है कि ख़ुद फूल हैं ग़म्माज़-ए-चमन

अहद-ए-गुल ख़त्म हुआ टूट गया साज़-ए-चमन

उड़ गए डालियों से ज़मज़मा-पर्दाज़-ए-चमन

एक बुलबुल है कि महव-ए-तरन्नुम अब तक

उस के सीने में है नग़्मों का तलातुम अब तक

क़ुमरियाँ शाख़-ए-सनोबर से गुरेज़ाँ भी हुईं

पत्तियाँ फूल की झड़ झड़ के परेशाँ भी हुईं

वो पुरानी रौशें बाग़ की वीराँ भी हुईं

डालियाँ पैरहन-ए-बर्ग से उर्यां भी हुईं

क़ैद-ए-मौसम से तबीअत रही आज़ाद उस की

काश गुलशन में समझता कोई फ़रियाद उस की

लुत्फ़ मरने में है बाक़ी न मज़ा जीने में

कुछ मज़ा है तो यही ख़ून-ए-जिगर पीने में

कितने बेताब हैं जौहर मिरे आईने में

किस क़दर जल्वे तड़पते हैं मिरे सीने में

इस गुलिस्ताँ में मगर देखने वाले ही नहीं

दाग़ जो सीने में रखते हों वो लाले ही नहीं

चाक इस बुलबुल-ए-तन्हा की नवा से दिल हों

जागने वाले इसी बाँग-ए-दरा से दिल हों

या'नी फिर ज़िंदा नए अहद-ए-वफ़ा से दिल हों

फिर इसी बादा-ए-दैरीना के प्यासे दिल हों

अजमी ख़ुम है तो क्या मय तो हिजाज़ी है मिरी

नग़्मा हिन्दी है तो क्या लय तो हिजाज़ी है मिरी

-----------------------------------------------------------------

kyuun ziyan-kar banun sud-faramosh rahun

fikr-e-farda na karun mahv-e-gham-e-dosh rahun

naale bulbul ke sunun aur hama-tan gosh rahun

ham-nava main bhi koi gul huun ki khamosh rahun

jur.at-amoz miri tab-e-sukhan hai mujh ko

shikva allah se khakam-ba-dahan hai mujh ko

hai baja sheva-e-taslim men mash.hur hain ham

qissa-e-dard sunate hain ki majbur hain ham

saaz khamosh hain fariyad se mamur hain ham

naala aata hai agar lab pe to ma.azur hain ham

ai khuda shikva-e-arbab-e-vafa bhi sun le

khugar-e-hamd se thoDa sa gila bhi sun le

thi to maujud azal se hi tiri zat-e-qadim

phuul tha zeb-e-chaman par na pareshan thi shamim

shart insaf hai ai sahib-e-altaf-e-amim

bu-e-gul phailti kis tarah jo hoti na nasim

ham ko jam.iyat-e-khatir ye pareshani thi

varna ummat tire mahbub ki divani thi

ham se pahle tha ajab tere jahan ka manzar

kahin masjud the patthar kahin ma.abud shajar

khugar-e-paikar-e-mahsus thi insan ki nazar

manta phir koi an-dekhe khuda ko kyunkar

tujh ko ma.alum hai leta tha koi naam tira

quvvat-e-bazu-e-muslim ne kiya kaam tira

bas rahe the yahin saljuq bhi turani bhi

ahl-e-chin chiin men iran men sasani bhi

isi mamure men abad the yunani bhi

isi duniya men yahudi bhi the nasrani bhi

par tire naam pe talvar uTha.i kis ne

baat jo bigDi hui thi vo bana.i kis ne

the hamin ek tire marka-araon men

khushkiyon men kabhi laDte kabhi dariyaon men

diin azanen kabhi europe ke kalisaon men

kabhi africa ke tapte hue sahraon men

shaan ankhon men na jachti thi jahan-daron ki

kalma paDhte the hamin chhanv men talvaron ki

ham jo jiite the to jangon ki musibat ke liye

aur marte the tire naam ki azmat ke liye

thi na kuchh teghzani apni hukumat ke liye

sar-ba-kaf phirte the kya dahr men daulat ke liye

qaum apni jo zar-o-mal-e-jahan par marti

but-faroshi ke evaz but-shikani kyuun karti

Tal na sakte the agar jang men aD jaate the

paanv sheron ke bhi maidan se ukhaD jaate the

tujh se sarkash hua koi to bigaD jaate the

tegh kya chiiz hai ham top se laD jaate the

naqsh-e-tauhid ka har dil pe biThaya ham ne

zer-e-khanjar bhi ye paigham sunaya ham ne

tu hi kah de ki ukhaDa dar-e-khaibar kis ne

shahr qaisar ka jo tha us ko kiya sar kis ne

toDe makhluq khuda-vandon ke paikar kis ne

kaaT kar rakh diye kuffar ke lashkar kis ne

kis ne ThanDa kiya atish-kada-e-iran ko

kis ne phir zinda kiya tazkira-e-yazdan ko

kaun si qaum faqat teri talabgar hui

aur tere liye zahmat-kash-e-paikar hui

kis ki shamshir jahangir jahan-dar hui

kis ki takbir se duniya tiri bedar hui

kis ki haibat se sanam sahme hue rahte the

munh ke bal gir ke hu-allahu-ahad kahte the

aa gaya ain laDa.i men agar vaqt-e-namaz

qibla-ru ho ke zamin-bos hui qaum-e-hijaz

ek hi saf men khaDe ho ga.e mahmud o ayaaz

na koi banda raha aur na koi banda-navaz

banda o sahab o mohtaj o ghani ek hue

teri sarkar men pahunche to sabhi ek hue

mahfil-e-kaun-o-makan men sahar o shaam phire

mai-e-tauhid ko le kar sifat-e-jam phire

koh men dasht men le kar tira paigham phire

aur ma.alum hai tujh ko kabhi nakam phire

dasht to dasht hain dariya bhi na chhoDe ham ne

bahr-e-zulmat men dauDa diye ghoDe ham ne

safha-e-dahr se batil ko miTaya ham ne

nau-e-insan ko ghulami se chhuDaya ham ne

tere ka.abe ko jabinon se basaya ham ne

tere qur.an ko sinon se lagaya ham ne

phir bhi ham se ye gila hai ki vafadar nahin

ham vafadar nahin tu bhi to dildar nahin

ummaten aur bhi hain un men gunahgar bhi hain

ijz vaale bhi hain mast-e-mai-e-pindar bhi hain

un men kahil bhi hain ghafil bhi hain hushyar bhi hain

saikDon hain ki tire naam se be-zar bhi hain

rahmaten hain tiri aghyar ke kashanon par

barq girti hai to bechare musalmanon par

but sanam-khanon men kahte hain musalman ga.e

hai khushi un ko ki ka.abe ke nigahban ga.e

manzil-e-dahr se unTon ke hudi-khvan ga.e

apni baghlon men daba.e hue qur.an ga.e

khanda-zan kufr hai ehsas tujhe hai ki nahin

apni tauhid ka kuchh paas tujhe hai ki nahin

ye shikayat nahin hain un ke khazane mamur

nahin mahfil men jinhen baat bhi karne ka shu.ur

qahr to ye hai ki kafir ko milen huur o qusur

aur bechare musalman ko faqat vada-e-hur

ab vo altaf nahin ham pe inayat nahin

baat ye kya hai ki pahli si mudarat nahin

kyuun musalmanon men hai daulat-e-duniya nayab

teri qudrat to hai vo jis ki na had hai na hisab

tu jo chahe to uThe sina-e-sahra se habab

rah-rav-e-dasht ho saili-zada-e-mauj-e-sarab

tan-e-aghyar hai rusva.i hai nadari hai

kya tire naam pe marne ka evaz khvari hai

bani aghyar ki ab chahne vaali duniya

rah ga.i apne liye ek khayali duniya

ham to rukhsat hue auron ne sanbhali duniya

phir na kahna hui tauhid se khali duniya

ham to jiite hain ki duniya men tira naam rahe

kahin mumkin hai ki saaqi na rahe jaam rahe

teri mahfil bhi ga.i chahne vaale bhi ga.e

shab ki aahen bhi ga.iin sub.h ke naale bhi ga.e

dil tujhe de bhi ga.e apna sila le bhi ga.e

aa ke baiThe bhi na the aur nikale bhi ga.e

aa.e ushshaq ga.e vada-e-farda le kar

ab unhen DhunD charagh-e-rukh-e-zeba le kar

dard-e-laila bhi vahi qais ka pahlu bhi vahi

najd ke dasht o jabal men ram-e-ahu bhi vahi

ishq ka dil bhi vahi husn ka jaadu bhi vahi

ummat-e-ahmad-e-mursil bhi vahi tu bhi vahi

phir ye azurdagi-e-ghair sabab kya ma.ani

apne shaidaon pe ye chashm-e-ghazab kya ma.ani

tujh ko chhoDa ki rasul-e-arabi ko chhoDa

but-gari pesha kiya but-shikani ko chhoDa

ishq ko ishq ki ashufta-sari ko chhoDa

rasm-e-salman o uvais-e-qarani ko chhoDa

aag takbir ki sinon men dabi rakhte hain

zindagi misl-e-bilal-e-habashi rakhte hain

ishq ki khair vo pahli si ada bhi na sahi

jada-paimali-e-taslim-o-raza bhi na sahi

muztarib dil sifat-e-qibla-numa bhi na sahi

aur pabandi-e-a.in-e-vafa bhi na sahi

kabhi ham se kabhi ghairon se shanasa.i hai

baat kahne ki nahin tu bhi to harja.i hai

sar-e-faran pe kiya diin ko kamil tu ne

ik ishare men hazaron ke liye dil tu ne

atish-andoz kiya ishq ka hasil tu ne

phunk di garmi-e-rukhsar se mahfil tu ne

aaj kyuun siine hamare sharer-abad nahin

ham vahi sokhta-saman hain tujhe yaad nahin

vadi-e-najd men vo shor-e-salasil na raha

qais divana-e-nazzara-e-mahmil na raha

hausle vo na rahe ham na rahe dil na raha

ghar ye ujDa hai ki tu raunaq-e-mahfil na raha

ai khusha aan roz ki aa.i o ba-sad naaz aa.i

be-hijabana su-e-mahfil-e-ma baaz aa.i

bada-kash ghair hain gulshan men lab-e-ju baiThe

sunte hain jam-ba-kaf naghma-e-ku-ku baiThe

daur hangama-e-gulzar se yaksu baiThe

tere divane bhi hain muntazir-e-hu baiThe

apne parvanon ko phir zauq-e-khud-afrozi de

barq-e-derina ko farman-e-jigar-sozi de

qaum-e-avara inan-tab hai phir su-e-hijaz

le uDa bulbul-e-be-par ko mazaq-e-parvaz

muztarib-e-bagh ke har ghunche men hai bu-e-niyaz

tu zara chheD to de tishna-e-mizrab hai saaz

naghme betab hain taron se nikalne ke liye

tuur muztar hai usi aag men jalne ke liye

mushkilen ummat-e-marhum ki asan kar de

mor-e-be-maya ko ham-dosh-e-sulaiman kar de

jins-e-nayab-e-mohabbat ko phir arzan kar de

hind ke dair-nashinon ko musalman kar de

ju-e-khun mi chakad az hasrat-e-dairina-e-ma

mi tapad naala ba-nishtar kada-e-sina-e-ma

bu-e-gul le ga.i bairun-e-chaman raz-e-chaman

kya qayamat hai ki khud phuul hain ghammaz-e-chaman

ahd-e-gul khatm hua TuuT gaya saz-e-chaman

uD ga.e Daliyon se zamzama-pardaz-e-chaman

ek bulbul hai ki mahv-e-tarannum ab tak

us ke siine men hai naghmon ka talatum ab tak

qumriyan shakh-e-sanobar se gurezan bhi huiin

pattiyan phuul ki jhaD jhaD ke pareshan bhi huiin

vo purani raushen baagh ki viran bhi huiin

Daliyan pairahan-e-barg se uryan bhi huiin

qaid-e-mausam se tabi.at rahi azad us ki

kaash gulshan men samajhta koi fariyad us ki

lutf marne men hai baaqi na maza jiine men

kuchh maza hai to yahi khun-e-jigar piine men

kitne betab hain jauhar mire a.ine men

kis qadar jalve taDapte hain mire siine men

is gulistan men magar dekhne vaale hi nahin

daagh jo siine men rakhte hon vo laale hi nahin

chaak is bulbul-e-tanha ki nava se dil hon

jagne vaale isi bang-e-dara se dil hon

ya.ani phir zinda na.e ahd-e-vafa se dil hon

phir isi bada-e-dairina ke pyase dil hon

ajami khum hai to kya mai to hijazi hai miri

naghma hindi hai to kya lai to hijazi hai miri

iqbal shikwa jawab-e-shikwa lahore

Mere hamdam mere dost - Faiz..

by faiz ahmed-faiz

गर मुझे इस का यक़ीं हो मिरे हमदम मिरे दोस्त

गर मुझे इस का यक़ीं हो कि तिरे दिल की थकन

तिरी आँखों की उदासी तेरे सीने की जलन

तेरी दिल-जूई मिरे प्यार से मिट जाएगी

गर मिरा हर्फ़-ए-तसल्ली वो दवा हो जिस से

जी उठे फिर तिरा उजड़ा हुआ बे-नूर दिमाग़

तेरी पेशानी से ढल जाएँ ये तज़लील* के दाग़

तेरी बीमार जवानी को शिफ़ा हो जाए

गर मुझे इस का यक़ीं हो मिरे हमदम मरे दोस्त

रोज़ ओ शब शाम ओ सहर मैं तुझे बहलाता रहूँ

मैं तुझे गीत सुनाता रहूँ हल्के शीरीं

आबशारों के बहारों के चमन-ज़ारों के गीत

आमद-ए-सुब्ह के, महताब के, सय्यारों के गीत

तुझ से मैं हुस्न-ओ-मोहब्बत की हिकायात कहूँ

कैसे मग़रूर हसीनाओं के बरफ़ाब* से जिस्म

गर्म हाथों की हरारत में पिघल जाते हैं

कैसे इक चेहरे के ठहरे हुए मानूस नुक़ूश

देखते देखते यक-लख़्त बदल जाते हैं

किस तरह आरिज़-ए-महबूब का शफ़्फ़ाफ़ बिलोर

यक-ब-यक बादा-ए-अहमर से दहक जाता है

कैसे गुलचीं के लिए झुकती है ख़ुद शाख़-ए-गुलाब

किस तरह रात का ऐवान महक जाता है

यूँही गाता रहूँ गाता रहूँ तेरी ख़ातिर

गीत बुनता रहूँ बैठा रहूँ तेरी ख़ातिर

पर मिरे गीत तिरे दुख का मुदावा ही नहीं

नग़्मा जर्राह नहीं मूनिस-ओ-ग़म ख़्वार सही

गीत नश्तर तो नहीं मरहम-ए-आज़ार सही

तेरे आज़ार का चारा नहीं नश्तर के सिवा

और ये सफ़्फ़ाक मसीहा मिरे क़ब्ज़े में नहीं

इस जहाँ के किसी ज़ी-रूह के क़ब्ज़े में नहीं

हाँ मगर तेरे सिवा तेरे सिवा तेरे सिवा.

--------------------------------------

gar mujhe is ka yaqin ho mere hamdam mere dost

gar mujhe is ka yaqin ho ki tere dil ki thakan

teri aankhon ki udasi tere sine ki jalan

meri dil-jui mere pyar se miT jaegi

gar mera harf-e-tasalli wo dawa ho jis se

ji uThe phir tera ujDa hua be-nur dimagh

teri peshani se Dhal jaen ye tazlil ke dagh

teri bimar jawani ko shifa ho jae

gar mujhe is ka yaqin ho mere hamdam mare dost

roz o shab sham o sahar main tujhe bahlata rahun

main tujhe git sunata rahun halke shirin

aabshaaron ke bahaaron ke chaman-zaron ke git

aamad-e-subh ke, mahtab ke, sayyaron ke git

tujh se main husn-o-mohabbat ki hikayat kahun

kaise maghrur hasinaon ke barfab se jism

garm hathon ki hararat mein pighal jate hain

kaise ek chehre ke Thahre hue manus nuqush

dekhte dekhte yak-laKHt badal jate hain

kis tarah aariz-e-mahbub ka shaffaf bilor

yak-ba-yak baada-e-ahmar se dahak jata hai

kaise gulchin ke liye jhukti hai KHud shaKH-e-gulab

kis tarah raat ka aiwan mahak jata hai

yunhi gata rahun gata rahun teri KHatir

geet bunta rahun baiTha rahun teri KHatir

par mere git tere dukh ka mudawa hi nahin

naghma jarrah nahin munis-o-gham KHwar sahi

geet nashtar to nahin marham-e-azar sahi

tere aazar ka chaara nahin nashtar ke siwa

aur ye saffak masiha mere qabze mein nahin

is jahan ke kisi zi-ruh ke qabze mein nahin

han magar tere siwa tere siwa tere siwa

mere hamdam mere dost faiz ahmed faiz urdu poet progessive writers movement

Mujhe bahut hai ke main bhi shamil hoo - Tehzeeb Hafi ..

by tehzeeb hafi

मुझे बहुत है के मैं भी शामिल हूँ तेरी जुल्फों की ज़ाइरीनों में,

जो अमावस की काली रातों का रिज़्क़ बनने से बच गए,

मुझे कसम है उदास रातों में डसने वाले यतीम साँपों की ज़हर-आलूद ज़िंदगी की,

तेरे छुए जिस्म बिस्तर-ए-मर्ग पर पड़े हैं,

तेरे लबों की ख़फ़ीफ़ जुंबिश से ज़लज़लों ने ज़मीं का ज़ेवर उतार फेंका,

तेरी दरख्शाँ हथेलियों पर बदलते मौसम के जायकों से पता चला है के इस त'अल्लुक़ की सर जमीं पर खीजा बहुत देर तक रहेगी,

मैं जानता हूँ के मैंने ममनू शाहों से हो के ऐसे बहुत से बाबों की सैर की है जहाँ से तू रोकती बहुत थी,

ये हाथ जिनको तेरे बदन की चमक ने बरसो निढ़ाल रक्खा,

हराम है के इन्होंने शाखों से फूल तोड़े हो,

या किसी भी पेड़ के लचकदार बाजुओं से किसी भी मौसम का फ़ल उतारा हो,

और अगर ऐसा हो भी जाता तो फिर भी तेरी शरिष्त में इंतकाम कब है,

अभी मोहब्बत की सुबह रोशन है शाम कब है,

ये दिल के शीशे पर पड़ने वाली मलाल की धूल साफ़ कर दे,

मैं तुझ से छुप कर अगर किसी से मिला तो मुझे मुआफ़ कर दे,

tehzeeb hafi urdu poetry andaaz e bayan

Zehan par zoor dene se bhi yaad ata nahi k kia dekhtey thy..

by tehzeeb hafi

ज़ेहन पर ज़ोर देने से भी याद नहीं आता कि हम क्या देखते थे

सिर्फ़ इतना पता है कि हम आम लोगों से बिल्कुल जुदा देखते थे

तब हमें अपने पुरखों से विरसे में आई हुई बद्दुआ याद आई

जब कभी अपनी आँखों के आगे तुझे शहर जाता हुआ देखते थे

सच बताएँ तो तेरी मोहब्बत ने ख़ुद पर तवज्जो दिलाई हमारी

तू हमें चूमता था तो घर जा के हम देर तक आईना देखते थे

सारा दिन रेत के घर बनाते हुए और गिरते हुए बीत जाता

शाम होते ही हम दूरबीनों में अपनी छतों से ख़ुदा देखते थे

उस लड़ाई में दोनों तरफ़ कुछ सिपाही थे जो नींद में बोलते थे

जंग टलती नहीं थी सिरों से मगर ख़्वाब में फ़ाख्ता देखते थे

दोस्त किसको पता है कि वक़्त उसकी आँखों से फिर किस तरह पेश आया

हम इकट्ठे थे हँसते थे रोते थे इक दूसरे को बड़ा दखते थे

----------------------------------------

Zehan par zoor dene se bhi yaad ata nahi k kia dekhtey thy

Sirf itna pata hai k hum aam logoon se bilkul juda dekhtey thy

Tab hamein apne purkhoon se virsey mein ayi hui baddua yaad ati

Jab kabhi apni aankhoon k agey tujhe seher jatey huey dekhtey thy

Sach batain t uteri muhabbat ne khud par tuwaju dilai hamari

Tu hamein choomta that tu ghar ja kr dair tk aaina dekhtey thy

Sara din rait k ghar banatey huey aor giratey huey beet jata

Sham hotey hi hum doorbinoon mein apni chatoon se khuda dekhtey thy

Dost kis ko pata hai k waqt us ki ankhoon se phir kis tarha paish aya

Hum ikhatey thy, hanstey thy, rotey thy, ik dosrey ko bara dekhtey thy

Us larai mein donoon taraf kuch sipahi thy jo neend mein boltey thy

jung talti nahi thi magar khuwab mein fakhta dekhtey thy

tehzeeb hafi urdu poetry andaaz e bayan

Tere hontoon se behti hui yeh hansi - Tehzeeb Hafi..

by tehzeeb hafi

Tere hontoon se behti hui yeh hansi

Do jahanoon pe nafiz na honey ka bais tere hath hain

Jin ko tu ne hamesha laboon pe rakha muskaratey huey

Tu nahi janti neend ki goliaan kyun banai gain

Log kyun raat ko uth k rotey hain sotey nahi

Tu ne ab tak koi shab jagtey bhi ghuzari tu woh bar b night thi

Tujh ko kaise bataoon k teri sada k taqub mein main kaisey

Daryioon sehraoon aor jungloon sey ghuzarta hua aik aisi jagha ja gira tha

Jahan pair ka sokhna aik aam si baat thi

Jahan in chiraghoon ko jalney ki ujrat nahi mil rhi thi

Jahan larkioon k badan sirf khusb bananey kaam atey thy

Mujh ko maloom that tera aisey jahan aisi dunya se koi taluq nahi

Tu nahi janti kitni anhkein tujhe dekhtey dekhtey bujh gain

Kitney kurtey tere hath se istri ho k jalney ki khuwais liye khonthi sey latkey rhe

Kitney lab tere mathey ko tarsey

Kitni sharaein is shouq se phat gain hain k tu un k seeney pe paoon dharey

Main tujhe dhontey dhontey thak gya hoon

Ab mujhe teri mojodghi chahiye

Apney satan mein sehmey huey surkh peroon ko ab mere haathoon pe takh

Main ne chakna hai in ka namak

tere hothon se tehzeeb hafi urdu poetry andaaz e bayan

nikal laya hun ek pinjre se ek parinda..

by umair najmi

बड़े तहम्मुल से रफ़्ता रफ़्ता निकालना है

बचा है जो तुझ में मेरा हिस्सा निकालना है

ये रूह बरसों से दफ़्न है तुम मदद करोगे

बदन के मलबे से इस को ज़िंदा निकालना है

नज़र में रखना कहीं कोई ग़म-शनास गाहक

मुझे सुख़न बेचना है ख़र्चा निकालना है

निकाल लाया हूँ एक पिंजरे से इक परिंदा

अब इस परिंदे के दिल से पिंजरा निकालना है

ये तीस बरसों से कुछ बरस पीछे चल रही है

मुझे घड़ी का ख़राब पुर्ज़ा निकालना है

ख़याल है ख़ानदान को इत्तिलाअ दे दूँ

जो कट गया उस शजर का शजरा निकालना है

मैं एक किरदार से बड़ा तंग हूँ क़लमकार

मुझे कहानी में डाल ग़ुस्सा निकालना है

-------------------------------------

bade tahammul se rafta rafta nikalna hai

bacha hai jo tujh mein mera hissa nikalna hai

ye ruh barson se dafn hai tum madad karoge

badan ke malbe se is ko zinda nikalna hai

nazar mein rakhna kahin koi gham-shanas gahak

mujhe sukhan bechna hai kharcha nikalna hai

nikal laya hun ek pinjre se ek parinda

ab is parinde ke dil se pinjra nikalna hai

ye tis barson se kuchh baras pichhe chal rahi hai

mujhe ghadi ka kharab purza nikalna hai

khayal hai khandan ko ittilaa de dun

jo kat gaya us shajar ka shajara nikalna hai

main ek kirdar se bada tang hun qalamkar

mujhe kahani mein dal ghussa nikalna hai

nikal laya hoo umair najmi young poet pakistani poet

Umair Najmi Poetry

Ghair Hazir

Tags

Pay and Support Us

UPI: attidev@ybl

YouTube URL

maine ye kab kaha ki wo mujhe kabhi akela nahi chhodta..

15th August yahi jagah thi yahi din tha aur yahi lamhat..

jawab-e-shikwa dil se jo baat nikalti hai asar rakhti hai allama Iqbal..

shikwa Kyun ziyaan kar banun sud faramosh rahun Allama Iqbal..

Tere hontoon se behti hui yeh hansi - Tehzeeb Hafi..

ham dekhenge lazim hai hum bhi dekhenge ..

ab ke tajdid-e-wafa ka nahin imkan jaanan..

Mujh se pehle tumhain jis shakhs ne chaha us ne..

Hum milenge kaheen-Tehzeeb Hafi..

Bhale dinon ki baat hai-Ahmed Faraz..

Phir koi aayaa dil-e-zaar Nahin koi nahin..

ranjish hi sahi dil hi dukhane ke liye aa..

gham-e-ashishiqi tera shukhriya..

chand roz aur miri jaan..

umr guzregi imtihan mein kya..

Khwabon ke byopari..

Parchhaiyan..

naya ek rishta paida kyun karen hum..

Itna Maloom hai..

Ghair Hazir..

Mujh se pahli si mohabbat..

Ek Saheli Ki Naseehat..

Raqeeb Se..

suna hai log use aankh bhar ke dekhte hain..

Faraar....

Umair Najmi Poetry

Ghair Hazir

Tags

Pay and Support Us

UPI: attidev@ybl

YouTube URL

Share

RELATED POSTS